تمن الغربة بقلم الشاعر صبري رسلان

تمن الغربه  ..    ( 162)
....................
مين  شاف  فينا 
قلوب  تتغرب 
جوا صدورنا  ما  عارفه  تقرب
رهنوا  الود  وفاتوا   الضلة
بقوا  تماثيل لوشوش  بتحير 
           تمن  الغربه   ...  
تمن  الغربه  في ليلها  طويل  
ألف  حكايه  وسيل  مواويل   
أنت  بتجري  وغيرك  يجري 
مين  عالفاضي  ومين  هيشيل  
           تمن  الغربه  ...  
أحلام  فاتت  منا  وعديت  
عمرنا  تاه  من  يومها  ما ردت
شيلنا  هموم  والحزن  قاسيمنا  
غاب  الفرح  في غربه  ماحنيت 
            تمن الغربه   ..
بتموت  فيها  الروح  100 مره  
بعد  وغربه  وحلوها  مره   ..            
جم  حسبوها إن  إحنا  عملنا 
ولا حسبوش  في  دموع  كام  مره   
أقوى  ما فينا  إتصاب  وإتأثر
قلبه  ومات  قدامنا  إتحسر   ..
           تمن  الغربه   ...
شوف  كام  غالي  علينا  وراح  
خدنا  عزاه  مراسيل  ونواح 
ما عرفناش  فين حتى  مكانه 
ولا فين  قبره  وإمتى  ده  راح
           تمن  الغربه   ..
الله  يصبر كل  ما  فيها  
ويصبرنا في  نااااار  لياليها 
ويرجعنا  نموت  في  بلدنا 
تحت  تراب ووجود  من لينا
        تمن  الغربه   ...
بقلم  .. صبري رسلان