بيكفي لعب
،،،،،،،،،،،،،،،،،،،
عيوني يا شعر اليوم ندهولك
صوبي تجي حتى يصلّولك
يا ما كتبتلك قوافي جداد
وفصلتهُن بدله على طولك
وحتى ماتلبس بعد ثوب حداد
بزرعلك البسمه ع مريولك
وعا مذبحك قلبي شمع منقاد
يرجّع ربيعك بدل ايلولك
في كثار كتبوا وحرفهُن ما فاد
الغصه ما قدروا بيوم شالولك
رشّت ايديهن بالعيون رماد
يا ريت لا كتبوا ولا قالولك
ولون الصفا تا شوف انّو عاد
عا ثوبك الزاهي اللي نزعولك
بقلُن بيكفينا لعب يا ولاد ويلّي بيغنوا شعر كلّو شعر
يجوا معي الليله يغنولك
،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق