ياللي غاويه الخصام بقلم " الشاعر أحمد عوض الله أحمد"

... ياللي غاويه الخصام.....
معدشي ينفع كلام
معدشي ينفع سلام
ياللي غاويه الخصام
جرحتي الورده ف ايدك
من خوفك عليها
خلاص موتيها
وطار الحمام
والورده كانت حبي ليكي
والحمام كان شوقي ليكي
ضيعتيه خلاص بشكك
والشك كان أوهام
نسيتي حروف الحب
و فاكره حروف الملام
نسيتي كلمة أحبك
وكلمة كنت فين ع البال
كنت فين وقابلت مين
وتزيدي وتعيدي الكلام
دا الصبر لو كان جبال
وبحور منه أميال
لخلص البحر وجف
والجبال صارت ركام
معدشي ينفع كلام
معدشي ينفع سلام
ياللي غاويه الخصام
        ..........
أحمد عوض الله أحمد