..عارف يعني ايه أب..
لو علي ضهري شوية تراب
شيلهم
ايدي مش قادره تطولهم
ياما شلت
ياما هننت
وأهو جه الدور عليا
وأب
عارف يعني ايه أب
يعني شال
يعني حب
يعني كعب داير ع البلاد
لجل حبة خبز
يعني ضهر انحني
لجل انت تئب
ولما شاب
وجهده قل
اوعي تمل
وافتكر إنه أب
مش هتحاسبه
مش هتربيه
ودي قلة ربايه لو تعصيه
ومهما تعمل مش هتوفيه
خوفه عليك لو قلت آه
ويقول يارب
بحرقة نفس مكسوره
بحرقة قلب
مايعرفها إلا أب
.........
أحمد عوض الله أحمد
ليست هناك تعليقات:
إرسال تعليق