... آدم و مليكه ...
رساله صغيره
هاقولها ف كلمتين
وحشتوني ارجعوا
ولو لثانيتين
ثانيه ابوسكم فيها
و ثانيه تبوسوني فيها
ولو بوسه صغيره
زيكوا مقطقطين
وحشتني شقاوتكو
وحشتني حلاوتكو
وحشتوني لما تنادوا
يا جدو انت فين
تعالى ياللا نلعب
يا إما متخاصمين
ونلعب لحد الفجر
وتقولوا مش نايمين
اقول خلاص تعبت
تقولوا مش ماشيين
ونفتح التلاجه وندعبس
الحاجه الحلوه فين
تاكلوها وأتلحوس
وأقول يا أعصابي...
يا موجوعين
ولا أقدر أتنفس
وأقول مبسوطين
وتجروا
وأجرى وراكو
وتسبقني ضحكتين
........
أحمد عوض الله أحمد
ليست هناك تعليقات:
إرسال تعليق