محمد عليوي فياض المحمدي
محاكاة لاغتية قديمة
شعر محمد عليوي فيّاض
عمران المحمدي
تانيني صحت عمّي يجمّال
ما كو ابهل وكت شي يفرح البال
كعدت امن الصّبح بحّرت عل دار
خليه او ماشفت بس موكد النّاز
بجيت او بالحنايه اشتعلت النّار
شغلتي النّوم ليش او ما شفتهم
يجمال اشعجب ما خبرونه
ولا منّه ذنب بي فاركونه
طبعنه جارنه انعدّه اخونه
ما نعرف امور الزّعلتهم
بالبيد اختفوا وابعدوا عل شوف
لاظل انحب واطفّي الآه بالاوف
ذرعان او صياني او اسم معروف
وفيتلهم اوعمري ما خنتهم
اهل طيب او مهاكي او مردنه اوزود
لو وكتي عليه بيهم اتجود
تعاهدنه او حلفنه ايمان واعهود
ولا اخلف وعد للعاهدتهم
بجفاهم بعد شيطفّي ناري
مهما حبس ادموعي واداري
اجبر خاطري دخلك يباري
اكطعوا بيّه ولا اعرف حهتهم
أعجبني
تعليق
مشاركة
ليست هناك تعليقات:
إرسال تعليق