حفنة زجل--
الجزء الثاني من ديوان -دموع على الغيوم
----------محمد الحنيني
---
1-حفنة زجل ع البال صار لها سنين
أيام على أيام رايحين وجايين
الحال ما هو حال لا صيف وشتا
ما في مطر حتى الربيع مالو طنين
أمّا الخريف استوطن جوّا بيوتنا
وأهل البيوت طُردوا من المستوطنين
وصرنا نقول القدس عاصمة اليهود
والأقصى راح نقول كان بفلسطين
---
2-يا عيب علينا من الغنى صرنا ع الدين
مدّين ادينا نشحد في ميّه وطحين
رايحين نقول كان عندنا إمارات
وكان بيت نمل كان يدعوه البحرين
يا حسره ع السودان وكل سهولها
راحت دهس والله تحت هالرجلين
يا خوفي كل الخوف ع البيت الحرام
والكعبه تخلو من الحجاج والمصلين
ياوجع راسي أخخخخخ من اللي بيصير
دخيلك ناولني حبة أسبرين
--
يتبع
محمد الحنيني
ليست هناك تعليقات:
إرسال تعليق