... بحبك اد ايه...
عارفه
بحبك اد ايه
اد شعاع الشمس
مايدفي
ورعشة لقاكي
ماهي باينه علي كفي
واد بحور الدنيا
مابتروي وبتكفي
عارفه اسمك بعشقه
واردده وانا بعيد
عارفه قلبي بيندهه
بعدد نبضه ف الوريد
وعدد نجوم السما
واللي هتتولد جديد
عارفه
بحبك اد ايه
بحبك لآخر كلمه نطقاها الشفايف
وطول ما الشمس طالعه
والقمر شاهد وشايف
وطول ما البحر لسه
بصدفه لشطه حادف
وطول ما القلب همسه
ونبضه عليكي خايف
بحبك نار وجنه
بحبك طير وغنا
وعلي صدري لايف
عارفه
بحبك اد ايه
.........
أحمد عوض الله أحمد
ليست هناك تعليقات:
إرسال تعليق