... إبتسامه .....
يا إبتسامه
وجايباها من على وش قمر
والشعر ليل
حواليها ليل
ياخدني في سكة سفر
والعيون تطرح نجوم
تعشق سهر
والخدود تطرح ورود
من غير مطر
طاوعي شوقك هتلاقيه
جوه حضن شوق انتظر
طاوعي شوقك قربي
خدي حضني واخطفي
ولو تعرفي
بحبك أد إيه لو تعرفي
أد شوق جوه الحبايب
ناره آيده ماتنطفي
أد الخطاوي وكانت بعيده
وف لحظه واحده تختفي
أد المشاعر جوه لقاهم
زي طير وترفرفي
والحب ايه
من غير ايدين بيسلمو
و العينين تاخد عينين
جوه بحورها ويتبسموا
والحضن شوق
جوه شوق
يحكي شوقه ويتكلمو
...........
أحمد عوض الله أحمد
ليست هناك تعليقات:
إرسال تعليق