(((((( حلوة وأكتر ))))))
- باللغة المحكية -
انت الحلوة الدلوعة
انت الميات
يلي مابقدر عيش
بدونا اللحظات
انت الغمزة بعيوني
تحاكي جفوني
وانت اسمى المعاني
وأحلى الحلوات
رسمت وجهك بدر منور
حلى وجمل كحلة
عينك والوجنات
خصرك يوسع خاتم خطبة
حاجب يلوي وشعر
يداعب للنسمات
انت البسمة وسر النغمة
الجوا الغنوة
انت بليلة شتوية
أحلى حكايات
انت النور المد شعاعو
بقلبي وفكري تيألع
هاك الغيمات
انت الدم اللي بيسري
جوا جسمي
انت الدرب المرتسمي
بأحلى جنينات
انت الأمرة ياسمرة
وانت الجمرة
اللي تركت جوا قلبي
أبلغ بصمات
خلي شموخك ياخد حدو
جبينك يعلا ويحلى بوردو
تيعانق أعلا النجمات
وجه مدور دخل الصور
ثغر بيطفح لوز وعنبر
خصر مزنر قطعة مرمر
شفايف حمرا بتتأمر
طول متمم فكر منور
والصدر بورداتو مزهر
والكلمة مغسولة بسكر
كلو يجنن كلو يحير
بحياتك كرمال الحب
احلي وزيدي هيك واكتر
ب هالتنورة ياأمورة
متل الوردة بأجمل صورة
بأعلى سرورا
متل الزهرة الخدا تحمر
كل يوم بتحلي عن يوم
وغنجة تزيدك سحر وتسكر
شو بحكيلك
شو رح احكي ماتتصور
اديشا حلوة ولطيفة
ذكية بنقلة خفيفة
سبحان الكون والصور
Elias gharbi الياس غربي
ليست هناك تعليقات:
إرسال تعليق