معارضة قصيدة
المبدع حامد عبد العزيزالدليمي
شعر محمد عليوي فيّاض
عمران المحمدي
هنا الانبار
هنا الانبار ارض الخير والطّيب
ابرغم ما راح منها اتحبل واتجيب
ابمضايفها انكتب رزق الكصاصيب
امّ الكرم واليكصدها ميخيب
ايشوف الفرح بوجوه المعازيب
ذرعان او مهاكي او ضرب تشريب
ام صيت العذي تشريج تغريب
وابهار الدلال ايفوح بالطيب
لليلفون تبدع بالاساليب
غنمها ابكل حماده امخاويه الذيب
اوربايها العوالي والشناخيب
ابدمها الطيب ورث ابغير تدريب
عيّت با لمناقب عل حواسيب
تدفك بالعسر دفك المزاريب
ما نثّت ابد سجّبت تسجيب
والغدران تكبر بالشّآبيب
فيض اتفيض عل كصّاد واتسيب
كمرايه اوربيع اوبد متغيب
اتجلّب باللفه امن النّاس تجليب
امّ الزّود والاهدافها اتصيب
رتب ياشعر للوصف ترتيب
واغرس حربتك بعيون المريب
او سلّملي على حامد ابتهذيب
اغوكلّه اتفضل او كد ما تحب جيب
هذوله اهلك اتجاويد او اطاييب
ولا يمكن مقالي ايريد تصويب
ليست هناك تعليقات:
إرسال تعليق