اية النور
،،،،،،،،،،،،،،،،،،
من رحم روحي حروفي بيخلقوا ابيات
وبنكر حروفي ان ما كنتِ بتضهري فيها
وما نلت منك سوا الاهات والنهدات
وحسره بقلبي ال عجز عالناس يخفيها
شوالسر فيكِ انطقي لا تزودي الخفقات
بلكي عيوني قدرت شي يوم غفيها
قديش وجه السما متطرز بنجمات
انتِ الوحيده ال بسهر دوم نا جيها
بودّي حنيني لكي ع جوانح النسمات
وبضل ناطر تا ارجع يوم لاقيها
وتا شم عطرك معاها بضمها بالذات
بلكي وعسالله قدرت هالروح داويها
عرفتك لغيري لكني بعشق الوردات
وعودت قلبي بقلبو تا يخبيها
وكيف اللي مثلك خلق ايه من الايات
لو عشت مهما عشت رح ضل صليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق