غلطة الشاطر
،،،،،،،،،،،،،،،،،،،،،،،،،،
ما دمت صادق ما بقى
تفرق معي
انكنك رحلتي وما بقى
رح ترجعي
وتأكدي عم نام مرتاح
الضمير
ولما الحقيقه تنجلي
رح تدمعي
ومش رح يفيد الدمع
لو بل الخدود
وهاك الزمان ال كان
مش ممكن يعود
بروض المحبه بعد ما
يبسوا الورود
الا تراب الارض مش رح
تقشعي
ضوّي شموع الحب عا
هاك التراب
وصلّي وقولي في لنا
بقلبك حباب
ولما تشوفي هالشمع
عالارض ذاب
تا يسامحك رب الخليقه
اركعي
،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق