حكايا جْداد
مشتاق شوفك قاعده حدّي
ومن حدْنا بدر السما يعدي
تا كل ما صادف بدربو ثنين
قصة هوانا الهم يودي
مشتاق توعى الشمس عالقصه
هيك حكايه كثير بتخصا
وتروح تغزلها بخيطان النور
وعا كل شتلة ورد بتقْصا
والورد يخزن شهد ع حلّه
تا يرشفوا النحلات ويفلوا
والناس لما تذوق هالعسلات
ع دروبنا يمشوا ويندلوا
وبهيك قصه خالده منظل
ومعليش لوما لغزنا ما نحل
المهم كل ما البدر مره طل
ع شكلنا يشوف بعيونو ثنين
ويحمل حكايا جداد ويودي
،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق