شروقية
==========
دخلك يا حوا من التفاح طعميني
ومعليش لولا القدر ع النار يرميني
وحتى ما قضّي هالعمر مشفوح
حاجي تقولي خطر تدخل بساتيني
======================
ما عاد عنا وقت بكره العمر بيروح
حتى ان برمتي الدني مش رح تلاقيني
وبكره فواْدك ندم بيحن ع المذبوح
ومش رح يفيدك اذا هيك حرمتيني
======================
خلي حنانك عطرصوبي يجي ويفوح
ومن خمر تم الحلو طلي واسكريني
بلكي سويه منجي مع بعضنا وندوخ
وتنسي عذاب الدني ومتلك تْنسيني
======================
راضي مشيلح
ليست هناك تعليقات:
إرسال تعليق