لا ما ننسى--
قليل من الزجل--مني لمن يحب أن يغني--
--------الشاعر الفلسطيني-محمد الحنيني-البرازيل
----
لا ما ننسى إن القدس وإن الأقصى في عينينا
لا ما ننسى إن الأرض هي الأم وغاليه علينا
لاماننسى إن الشعب هوّ منّا وهوّ فينا
لا ما ننسى فلسطين وفلسطين كلها لينا
----
لا ما ننسى كل الأسرى ُنحيّيهم ويحيّونا
لا ما ننسى جرحانا اللي بدماهم عطرونا
----
لا ما ننسى شُهدانا اللي في الأرض زرعونا
ولا ننسى شبابنا بالفداء شرفونا
----
لا ما ننسى تاريخنا في صفحاتوا خلّدونا
ولا ننسى تراثنا بالعتابا والدلعونا
---
لاما ننسى هذا اليوم ولا الحاضر ولا ماضينا
ولا ننسى جيل اليوم بالعزيمه زودونا
---
لا ما ننسى أجدادنا على العز عودونا
ولا ننسى أمهاتنا لحب الوطن رضعونا
---
لا ما ننسى قضيتنا اللي عشانها شردونا
ولا ننسى هذي الأمه العربيه ومبادينا
----
لا ما ننسى خير أرضنا وطعم الزيت والزيتونا
ولا ننسى فلاحينا اللي بعرقهم درسّونا
---
لا ما ننسى ثوارنا اللي في الثورة جندونا
ولا ننسى الفدائيين .ع حب الوطن دربونا
--
لا ما ننسى( أبو عمار) مهما رحنا ومهما إجينا
ولا ننسى (أحمد ياسين) على المبادي ثبتونا
--
لا ما ننسى الملايين من الأحرار ب يدعمونا
ولا ننسى كل معلم بيخدم وطنّا بعيونا
--
لا ما ننسى كل فلاح قام يحرث الزيتونا
ولاننسى كل عامل بنى طوبه على بلكونه
---
لا ما ننسى كل أم ع أولادها شو حنونه
ولا ننسى كل أب قايم ع بيتو ت يصونه
--
لا ما ننسى كل طالب أختو أو أمّو مسجونه
ولا ننسى هالأنذال عند الحاجة تركونا
---
لا ما ننسى من تخلى عن الأقصى وخذلونا
ولا ننسى فلسطين من صفد حتى ديمونه
---
لا ما ننسى المضربين في سجون المحتلينا
ولا ننسى المحكومين إداري جوّا السجونا
---
لا ما ننسى مهما نسي كل العالم م ينسّونا
ولا ننسى وإن نسينا كل أطفالنا يذكّرونا
---
لا ما ننسى وإن نسينا كل إولادنا يلعنونا
ولا ننسى حتى إن قاموا فكل الكون بعثرونا
---
لا ما ننسى غيرهم أقوى إجي وراح وإحنا بقينا
لا ما ننسى أكتب عندك لازم نرجع فلسطينا
---
---------------------مع تحيات--ابو وجدي--البرازيل
ليست هناك تعليقات:
إرسال تعليق