قصيدة الشاعر
محمد عليوي فياض
عمران المحمدي
عمود بيت العرب
الله على كلبن من الضّيم مدرود
ذ ليل حاله والليالي كونّه
صابر على مرّهن والنّاس بصعود
حلواتهن اكفن ولا عاودنّه
الوصل المنى يستاد ينراد مجهود
او حنّه المصايب من سدن ضعضعنّه
شحّ المطر عل ناس واعجافهم سود
اوضاكت علينه او بالامور امتحنّه
زود الرّجال ايغيض اليا عارضه زود
يردم مثل حوران بديار اهلنه
اتبدّ ل ربيع الخير ابرّبيع منكود
ابزود ن لفه او بالمدرعين ايتجّنّه
ماهكوتي يفلان لديارنه انعود
اوماظن بعد يلتم جمعنه او شملنه
يا كلب يكفيك جاوزت الحدود
اوشكواك للمثلك مهانه اومزنّه
طاحوا بها شرواك شجعان واحيود
اخيول العدى صالن علينه او خذنّه
امجتّف اكف مذهول بحبال واقيود
والعين تربي اجناب ذلّوا وطنّه
تنفخ علينه النّار وايضوح بارود
طحن الرّحى من كابلونه طحنّه
اليوم الاسود صار ما يحوج اشهود
انطت كسيرة النّاس جيف انخذلنه ؟
ما للولي تعويض والولد مالود
صمّن غدينه والحراير نخنّه
يهل الحميّه اتصيح ردّوهم اردود
او خابت الهكوة اوما جبرهن د خنّه
اتكول النّسا يرجال الينتخي وايجود
انحطّه كحل بعيونّه وانتحنّه
ضاكت علينه اوصار كل درب مسدود
او عاكس سعدنه او ما تحكك املنه
ما بين مذ بوحن او صويب مطرود
اخيول الرّهاوه بالوعر لاحكنّه
البيت انكشع من طاح للبلبيت عامود
شتت الضّعن وادروعهم غربلنّه
كمنه انرجه ناس ما تعرف الجود
او مدّت اجفوفك عكب عزّك مزنّة
نبتهل للرحمن امجادنه اتعود
يالله يامن بيك وحدك املنه
ليست هناك تعليقات:
إرسال تعليق