وين رايح
_________
تزعل انت وانا اصالح
تبعد وتهجر وتجرح وانا اسامح
وين رايح
يل خذت گلبي ومشيت
يا الخذت كل الملامح وين رايح
انت مطرة مخنوكه بسمائي وانا بارح
خيل هجرك داست على سنين عمري وانا طايح
قاسي انت والحجي الحجيته هواي جارح
موتت كل زرع عشكي چان مطرك حيل مالح
مچفن انا بالجروح والنعش عنوانه
واضح
ياعين ابچي سكته بلا فضايح
ويادمع اتغطه بجرح الفراگ ونام بهدوم الألم فوك الخدود ولاتظل بالعين سابح
يادمع البس هدوم الخسارة وگول رابح
لاتشوفك ناسنا
التضحك چذب المرسومه فوك شفتها المصالح
وانت ياگلبي اليتيم راح
افطمك من كل عشگ كثرة اعليك الصوايح؟
توفيق ألفاطمي توفيق
ليست هناك تعليقات:
إرسال تعليق