اقمار سافروا قبل الاوان
مهدا لاطفال سوريا
،،،،،،،،،،،،،،،،،،،،،،،،،،،،،،،،،،،،،،
ركبوا جناح الريح صاروا
الحلم
ضاعوا ع درب العتم وتعوكروا
الكاسات
والليل لفلفنا بعباتو
وصار
يحكي السكت للمدى
حكايات
طاروا طيور العز ما
استنوا
صاروا حروف الشعر
لِتغنو
جنوا الجوارح عالبعد
انّوا
والقلب منّو طلعت
الاهات
شرب الورد دمعة حنين
الروح
وتسابقوا فوق المروج
جروح
وباب الوجع لا عاد كن ولا
هجع
وضالو ع طول مشرع
ومفتوح
لوين راحوا ومين ناداهم
ما تلفتوا ولا فكروا فينا
وقلوبنا مش راح تنساهم
حتى اذا نسينا اسامينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق