ما عاد فيي
،،،،،،،،،،،،،،،،،،،،،
لا تجربي تمشي ورا منّي
عيشي حياتك حُب وتهنّي
دربي انا مرصوف بالاحزان
وما بريد حزني تحملي عنّي
يبسان وردي صار فالبستان
وما عاد فيي افرح وغنّي
وتشرين عمري يا شهر نيسان
وما بضن هيك عم بتتمنّي
شوفي ع قدك شي قمر حليان
بيحن ليكي قبل ما تحنّي
وروحي اتركيني بعتمة النسيان
بصدري يا حلوه في قلب انسان
تمنّا تعيشي وتفرحي بالحب
ولا تضيعي هالوقت وتجني
،،،،،،،،،،،،،،،،،،،،،،،،،،،،،،،،،،،،،،،،
راضي يوسف مشيلح
ليست هناك تعليقات:
إرسال تعليق