.... آ آ آ آ آ ه ....
آه
حتي ف نهاية الأمل آه
وبيه يبتدي الجرح وتكون منتهاه
وف عز الفرحه تعتر ف دمعه
تقول الآه
وف وسط الزهور تعتر ف شوك
وتقول آه
والصغير ماشي قبل الكبير
والوداع ع البيبان بيزيد
وتقعد لوحدك ف ركن الحيط
ودموعها نازله قبل دموعك
وتزيد
تفتكر غايب
تفتكر عيد
َكان ييجيها بضحكته وبيقيد
ومشي الغايب ف سكته
لبعيد
وفضلت دموعها
ويا صوره متعلقه وتنهيد
ولمسه فاكراها
لمسها بإيد
وكل غايب له سبب
دا أكيد
بس السبب يجيب الوجع
للي اتهجر ووحيد
ووحده لما يفتكر
يقول آه
يا شعر شاب
دمعتك غير أي دموع
القلب معدشي حجر
القلب صار عصفور
لو نسمه هزت عشته
يبكي فيها ويثور
والدمعه تجر دمعته
ويقول آه
زي الطفل ف رقته
زي جناح مكسور
عايز اللي يمسح دمعته
لما يقول آه
..............
أحمد عوض الله أحمد
ليست هناك تعليقات:
إرسال تعليق