شعر محمد عليوي
فياض عمران المحمدي
يل بينه فد مرة اكطعت
السلام لله اشدعوه
لا تكطع احبال الوصل
او تحرمنه شوفك فدوه
يل جنت كلما اظلمت
مثل الكمر لو ضوة
بيناتنه ضحكه اوعهد
انصون الملح والخوة
ناعور خلاني الوكت
امن اعيوني يترس دلوه
صديت عني او ما نمت
ثا ري المفارك بلوة
واليمشي بالعشرة درك
تنكشف نيته ابعلوه
والعتب صابون الكلب
ابدنيه فلس ماتسوه
يل طيفك ابدن ماكطع
يمي تعلل توه
او كلبي اللي بي ساكن جنت
ينشد عليك اشسوه
دكاته بفراكك بطن
او باقيك هوه هوه
الاحساس ابدن ما يقل
او لا ينوخذ بالكوه
واللي ايفارك من يحب
حت لو ضحك يتجوه
بجفاك انا طول الوكت
بيد الظروف اتلوه
واني السعيت ابفركتك
والعمر اظلم جوه
والليل لو غاب البدر
شنهو اليعوض ضوه
ما ينجرع كاس الصبر
للبي عطش ما روه
بيك انترس كلبي عشك
او غيرك بعد ما اهوى
ليست هناك تعليقات:
إرسال تعليق