12-حفنة زجل---الجزء الثاني من ديواني
دموع على الغيوم----------محمد الحنيني
----
عن وطنّا العربي أكتب
العربي قالوا مخرّب
رايح يكتب التاريخ
والتاريخ ما بيكذّب
---
إمسكها من البحرين
حتى توصل حد المغرب
قامت شلة التطبيع
بدون داعي أو مسبب
بتلهث ورا اسرائيل
وقالت عني أنت المذنب
ونسوا القدس والاقصى
وفلسطين وقال المطرب
ساق الله ع ايام زمان
وكان الحال علينا أصعب
قال المثل من زمان
اوعك على النار تقرّب
وقبل ما تغوص برجيلك
وفي وسط الوحل تتقلب
وقبل ما تسأل طبيب
أحسن لك إسال مجرّب
إروي عنّا يا زمان--
ويا قلم قوم سطّر وإكتب
ما استفدنا من التجريب
ولا اقنعنا المطبب
شوفنا من جبل طارق
لمضيق باب المندب
حاله بتخزي وشعب نام
عن وطنو ونفسو متغرّب
يا ربي لطفك يا ربي
إنت وحدك ما بتخيّب
---
يتبع
مع تحيات--محمد الحنيني
ليست هناك تعليقات:
إرسال تعليق