قشور الموز بقلم /صبري رسلان /

 قشور الموز  (269)

................

ما حدش لا يحوشني

ولا يفكر أنا خدت قراري

هضرب وأتهور وأتعور وهبرد ناري  

يرموني إزاي بقشور موزهم والاسم ده جاري

أمشي وأتزحلق ولا عاجبه أيه اللي جرالي 

إن جيت لأعاتبه والومه

أنا حر في داري  .. 

مش عجبك أخبط هنا راسك إختفي وإداري

ليه كده بتعاند ومصمم 

أتأذي  وبأيدك  ..

لا راعيت ولا عشره 

شايف نفسك 

والكل عبيدك

أسلوبك صهض مخبيلنا

براكين وزلازل ..

وبترمي فى دبش وبفلوسك 

إتبنى بقى عازل 

جاه فى مره وخبط 

على بابي 

إلحقني وساعد 

إترمى بيرفرف على أيدي هيموت مش قادر

إتلموا جيرانه شايلين همه ولا أجمل ساتر 

والكل جه عنده وبيزوره

وبيجبر خاطر  ..

صحته في تحسن 

قام منها إتعفى متشافي

الناس كلها مش عارفينه

بقى ده المتعافر  ..

لف على جيرانه واحد واحد بدموعه ونادم 

أملي في الدنيا تسامحوني  ..

وهكون لكم خادم ..

سبحانه من غير حاله 

شال  عنه  الحاجب 

والكلمه الحلوه ب100

صدقه مش رفع الحاجب  ..

بقلم .. صبري رسلان