.... بحبك يابويه بحبك ياأمي...
بحبك يابويه
بحبك يا أمي
يانبض ف عروقي
يا ذكرى بتجري ف دمي
دا مهما أشوف ف الدنيا
مفيش أحن من أمي
دا مهما أدور ف الدنيا
أبويا ياما دار عني
ويشيلني ويسمي
ضحكتهم فاكرها
ولما ينادوا اسمي
حنيتهم فاكرها
مهما أقسى ويكون جرمي
والضحكه ف عينيهم
لما أرجع وأقابلهم
والدمعه ف عينيهم
لو أقول الآه من ألمي
دا مين غيرهم أتمنى
يعيشوا ويستنوا
وأتكحل بترابهم
وأبوس أقدامهم
دي من غيرهم ضلمه
ولو كان القمر يمي
دي من غيرهم مره
ولو كان الشهد ف فمي
بحبك يابويه
بحبك ياأمي
............
أحمد عوض الله أحمد
ليست هناك تعليقات:
إرسال تعليق