انسان
،،،،،،،،،،،،،
قبل الحكي ما يبتدي انسان
صفّى الدهر ع جبهتو غفيان
حلوه شو كانت عيشتو
ملّت الدنيا ريشتو الوان
وقبل الحكي ما يبتدي انسان
لسانو الصدق قلبو الوفا
جفنو السهر ناسي الغفا
عا حباب في قلبو غِفوا
تْغطّوا ب حنانو تا دِفوا
وصاروا ورد بستان
وقبل الحكي ما يبتدي انسان
ولما على حصان الثلج شد الرحيل
شمس العمر ذابت ع نهدات الاصيل
فتّح عيونو فجر كنّو نهار عيد
ومغازل الايام دارت عن جديد وكان الزمان وكان
وقبل الحكي ما يبتدي انسان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق