قليل الدسم (346)
...............
وصبرنا سنين على كده
متكبر بالشكل ده
إتعود يغلط أصالح
منحوس بان
حظه الكالح
عد له كام شغله لا فالح فى غروره
يفوت له مطارح
ده قليل الدسم إن صالح وفى غيرته
لا شاف ولا عدى
وساجيني معاه
في إمبارح
ما تقولش مدير بسلامته متعنطظ والجيب فارغ
من هنا دلوقتي ورايح
هيشوف الوش المالح
بيهدد إنه يسيبنا ويفركش بينا نصيبنا
على أيه يا أبو لانشون
جبنه من اللف
الجزمه إتسحلت
من الشمس
صوابعي وساحت
والنبي لأرقص وأزغرد
ولا أسم جوازه وخابت
لا في مره جبرت بخاطري بعزومه
كيس فول نابت
ووراك هنكسر قله
والعمر معاك بقى شايخ
جانبك لسنين ورابطنا
ياما زرنا كتيرفي مشايخ
إتفك السحر بأيدك
في طريقك يوم هيدينك
ومرآيه الحب العاميه
إتكسرت كاشفه مصيرك
ورجعت لعقلي يا فالح
والطير بقى حر وسارح
بقلم .. صبري رسلان
ليست هناك تعليقات:
إرسال تعليق