كلمة منك ( العامية المصرية )
************************
قولي أيه اللي جرالك
وخلاك تقسى وغير أحوالك
بلاش تعذب روحي بسؤالك
مانا كنت حبيبك وكل امالك
*******
أستنيتك وانتظرت الوعد
ولما جا كلام الجد
سبتني وانا دمعي علخد
ليه شمتت فيا عذالك
*******
قولي أيه اللي جرالك
وخلاك تقسى وغير أحوالك
*******
كلمة منك من بعيد
خلتني أعيش ايامي عيد
تعالا نبتدي من جديد
وأنسى سؤالي وسؤالك
*******
قولي أيه اللي جرالك
وخلاك تقسى وغير أحوالك
*******
فين اللي بيعشق ومابيخون
ولعهد الهوى بيحفظ ويصون
أديتك روحي ودمع العيون
وكلي النهاردة فدا لك
*******
قولي أيه اللي جرالك
وخلاك تقسى وغير أحوالك
*******
ليه بتشوف دموعي وقلبك حجر
ليه بتقسى عليا مش انا بشر
منين اجيب عيون للسهر
تعال هو في حد بجمالك
*******
قولي أيه اللي جرالك
وخلاك تقسى وغير أحوالك
*******
انا اللي شاريك بعمري
يا ريتك بتعرف أيه أمري
ما انت ليلي وكل سهري
فينك ما القلب نادالك
*******
قولي أيه اللي جرالك
وخلاك تقسى وغير أحوالك
*******
ما تخلينا ننسى اللي فات
مش كفاية تعذيب واهات
عمرنا عدا زي الساعات
وانا أتمنى عطفك ووصالك
*******
قولي أيه اللي جرالك
وخلاك تقسى وغير أحوالك
*******
بقلمي... محمد الباشا/العراق
ليست هناك تعليقات:
إرسال تعليق