اللي يبيعك بقلم الشاعر ~ صبري رسلان ~

 اللي يبيعك (360)

................ 

اللي يبيعك بيعه لا تسأل

سيبه للوم  مر الأيام

مش هيفيدك عمره ما يسمع إنسى ماضيه

بص لقدام ..

عيش أيامك ولا تتلفت

بجناح طير 

فى سما الأحلام  

أغزل توب على قد مقاسك  .. وأشطب كان

ولا قولنا وقال .. 

عد خيوط الوهم بحالها

شوف ليه دابت 

أصلها  بان  .. 

ما أنتش أول أخر واحد

يسرقوا منه فرحه كمان

أوعى تحس 

بضعف قصاده 

ولا تتأثر دمعه تبان 

أيوه صحيح نفسك 

دي عزيزه  ..

ولا تتوقع  يقلب جان

إحمد ربك 

وأسجد وأشكر ..

كل ما تبعد تلقى أمان 

دعوه أب وأم حياتهم

عايشين ليك 

ويضحوا كمان  ..

يبعد عنك حرف وكلمه

يبلي آذيك في مكان وزمان ..

بقلم .. صبري رسلان