ثلاث لمعات
======
كل ما الغيوم يحاولوا يغطوا القمر
من جروحهُن بيطل وبيسبي النظر
وهيك وجهك كل ما بيرجع يِطل
الغيوم بيفلوا لا حس ولا خبر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ما زال من قلبي نويتي تطلعي
وعم تحلفي صوبو ما عدتي ترجعي
الله معك من نار قلبي بقولها
فلي عَ مهلك واتركي الحسره معي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هيك الدهر مثل الحرامي عالتمام
بيسرق حلا الايام وبيرمي العظام
من هيك لا تفرّط بلحظات الهنا
مين ال بيضمن فيقتو بعد المنام
----------------------------------
بقلمي راضي مشيلح
ليست هناك تعليقات:
إرسال تعليق