أحضان الشوك بقلم الشاعر ~ صبري رسلان ~

 أحضان الشوك (354)

..................

بلسان حرمانا هنتكلم  

وندور في الدنيا ونتعلم

نفرح فيها حبه ونتألم 

لا..  أخترنا طريق ..

بنداري وجعنا 

فى ليل خوفنا

وبنحضن شوك 

شيلاه حروفنا

ده لا كان بأيدينا ومتقدر

أختار أنا أرضي 

ومين خضر .. 

ما الغصن إن مال 

أيه كان ذنبه  .. 

ده لا داق من حب

اللي يربوا  .. 

وسابوه للدنيا 

يا دوب عايش  ..

بين باب مسدود  

وجدار بايش ..

ما الحب وتاه

مش لاقينه .. 

فاقد لحنان يدي لغيره

وما لوش أعذار 

يرمي فى طيره ..

إن لاف على غير 

عشه أسيره 

جواه بركان كره لغيره

أحاسيس مفقوده بتتغير ما لقيتش أمان 

حلمه قصير   

الشوك بقى حضنه 

ومن يومه

إن ضاع في طريق 

مين هيلومه   ..

يا ترا من الشوك هيصيب غيره ..

ولا الأيام تعد ميله 

بقلم .. صبري رسلان