شيطان الشعر
ءءءءءءءءءء
الك مده عليي ما ضهرتي
وشيطان الموهبه فيي حسرتي
وطيفك ناطرو تا يعود يضهر
لحتى اسألو كيفيك صبرتي
تركتيني مع الاوجاع اسهر
ياخوفي عالهجر انتي انْامرتي
بحالي مين متلك صار اخبر
وكنتي قبل هالمده اختبرتي
اصْفر العود يالي كان اخضر
ال عطاكي من ثمارو شو امرتي
واذا ع الحال بدي ظل مُجبر
بدفن بالثرى حالي لحالي
تا تكوني معي انتي انقبرتي
،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق