شو ناوي
،،،،،،،،،،،،،،،
طلّت عليي وبعينا لوعة المشتاق
قالت شو صاير معك مش عم تحاكيني
مشغول؟ منو عذر في دولة العشاق
ولو جبت مية عذر ما عاد يكفيني
.................................................
قديش باعث الي من مدمعك اشواق
ونهدات قلبك شو صرخت بس ضميني
وهالعمر لولا وجودك كان ما بينطاق
وغير كاس حبك ابد ما كان يرويني
.................................................
اصحى ع حالك قبل ما تنطوي الاوراق
وتشرين يمرق بدربو يكتكت التينه
ان ماعاد بدك تجي وناوي عهيك فراق
ولنو اكتبلي ع قبري هون مسكينه
ليست هناك تعليقات:
إرسال تعليق