.... حبة ودع......
نايمه على شط مصر
نايمه حبة ودع
صابها الحنين والشوق
رماها البحر ورجع
وأنا تايه ف بحر الشوق
وف حبك قلبي اتوجع
وحشاني ونفسي أعود
وحشاني صبيه وجدع
وحشاني وإمتي أعود
على شطك جنب الودع
يامصر يا أم الخير
يا مصر ياأم البدع
وحشاني ميه ف نيل
وعصفور على غصن شجر
فرد جناحه ف ليل
وطار في نور القمر
وعلى صوت غنا ومواويل
على مركب يمشي بدلع
هز جناحه وديل
لحد مافجر طلع
وقبل ماروح ينام
بعد ماخلص سهر
عصفور النهار صحاه
وحمد ربه وشكر
ودعا لمصر كتير
وغمض عينه ودمع
.............
أحمد عوض الله أحمد
ليست هناك تعليقات:
إرسال تعليق