.... اتبسمي.....
اتبسمي يا عيون حبيبي
اتبسمي
وف ضفيره حايره
فكي فيها ولملمي
ومهما كبرتي
برضو لسه صغيره
عصفوره طايره
وبين ايديه مزاططه
وحياة عينيكي
اللي ياما عشقتها
وحياة ضفايرك
إللي ياما مسكتها
هاتي دموعك
وادمعها ليكي انا
وطيري حبيبتي
يالله طيري ف السما
وإن تعبت جناحك
آجي اشيلك ف الهوا
أطيب جراحك
وأهدي ليكي سوسنه
واخدك وطير
لأقرب نجمايه لنا
وتنام عيونك
وجوه رمشي عشها
وتصحا عيونك
ترمي ليه ضحكها
ونطير ونعلا
لنجمه أبعد ف الفضا
...................
أحمد عوض الله أحمد
ليست هناك تعليقات:
إرسال تعليق