... ميعاد ...
ميعاد
وعلي غير ميعاد اتقابلنا
بحفله بسيطه لأصحاب زمان
اللي شاب
واللي لسه شباب
اللي تاه
واللي له ف القلب مكان
وكانت وحيده
بركن حزينه
وكانت حبيبه ف يوم من الأيام
وياما لعبنا
ياما ضحكنا
وياما قولنا ف الحب كلام
وزي ماهيه
ورده جميله
ومستحيه بين الأزهار
زي ماهيه
بس الزمان قال كلمته
يطرح ورد...
ويختفي ورد عن الأنظار
ولما لمحتني
اتبسمتلي
وطلع علينا النهار
والكلام لسه لم يشبع كلام
ولم تسألني
ولم اسألها عن أخبار
وافترقنا
وزي ميكون حلم وزار
وراجعه لمين
مش عارف
لحبها
لحزنها
بس مش ف نفس المكان
وراجع لمين
أنا عارف
لنفس الطريق ومشيته
لنفس العنوان
ياحبي اللي كان
وزي ميكون لسه امبارح
مفاتوش الزمان
ياتري هنتقابل تاني
ياتري
ولا ده هذيان
...
أحمد عوض الله أحمد
ليست هناك تعليقات:
إرسال تعليق