بأرض الشام
.........................................
عبواب الشام في جنود مجندة
تحمي بلدنا بسيوف مهندة
وبأرض الشام في أحبا تعزها
بروحا تجود وبالنقاء مزودة
يوم لبجد الجد بتجاوب نعم
ما بترضى ذل والأيادي موحدة
شام المحبة بيبقى غالي ترابها
تبقى صبيةو بخدود موردة
....................
بالحب رح تبقى عطول مسيجة
متل الأميرة وبالكرامة متوجة
بردى بزينها ويروي أرضها
وصبايا حلوة مدللة ومغنجة
الشام قلعة الله حامي ترابها
وسهول خضرا بالورود مطرزة
ياما دحرنا بأرضهاجيوش العدا
وكل الطوائف فيهاإخوة معززة
.......................
عأرض الشام في أوابد شامخة
وصروح فيها عم تزيد بمجدها
قصر العظم والمتحف الوطني بها
والجامع الأموي ومتحف حربها
ويا قاسيون المجد تبقى عالزمن
تشمخ وتعلا وتبقى زينة بأرضها
حجارك بنور الشمس عم تبرق دهب
وزهور فوقك عم تفوح بعطرها
...............................................
ملك محمود الأصفر
ليست هناك تعليقات:
إرسال تعليق