.... إلا رسول الله.....
غصون شجره اتشبكت
حبست حمامه
تصرخ
تنادي
ومين يلبي
والكل ماشي
ماشي في وادي
كانت تجمعهم
كانت تضللهم
ويختلفوا ويتفقوا
وتتلاقي الأيادي
ولا كانت ف يوم تعرف
صوت للبنادق
خافت الحمامه
اتخنقت الحمامه
وكشت جناحاتها
وصرخت ف الخلايق
الحقوا الحمامه
لسه ماممتش لسه
لسه فيها أمل وباقي
لسه فيها عيسى ومحمد
ووشوش تسجد
وتقول بلادي
لسه فيها روح واخداها
من حطين
م العبور رغم المستحيل
بعنادي
لسه فيها دعوة أم مستجابه
تحضن ولادها
وتقول ترابها
أغلى من ولادي
لسه فيها روح أبيه
ولو حد بس مس نبيه
يتجمعوا
وينسوا كل حاجه
ويقولوا إلا رسول الله
يا أعادي
..........
أحمد عوض الله أحمد
ليست هناك تعليقات:
إرسال تعليق