... حكاية مراتك....
هات اللي عندك كله
خلص كلامك
منا ياما كتير سمعتك
وصدقت كلامك
هتقولي إيه المره دي
بتحبني
بتحبني أكتر من مراتك
اللي خبيت جوازها عليا
وتقولي إني حياتك
خدت إيه من كل ده
نابني إيه من كل ده
وأنا كنت لسه صغيره
مأعرفشي الحب لسه
ولقيت حنانك
لقيتك حب كبير
قلب كبير
واخدني طاير بجناحاتك
وطلع جناحك زيف
شوك
يجرحني بعدد دقاتك
بعدد نزواتك
هتقولي إيه المره دي
مخلاص البنت الصغيره كبرت
مخلاص خلصت الحدوته
وأد ماكانت تحبك
تتمنى عذابك
أد ماكانت تتمنى قربك
تتمنى بعادك
ودي إيه اللي انت شايلهالي..
في إيدك
أسوره دهب
ولا طوق تربطني بيه ف حكاياتك
ولا دي فكره جديده
تنسيني بيها حكاية مراتك
وأقولك خلاص سامحتك
دي كانت نزوه وراحت
صحيح دي نزوه لكن
علمتني أنسى حبك
علمتني ألعن أوقاتك
..........
أحمد عوض الله أحمد
ليست هناك تعليقات:
إرسال تعليق