تاجر السعادة بقلم ~ صبري رسلان ~

 تاجر السعادة  (299)

..............

هامت عيوني في ليل سماه والشوق نداني

ماقدرت أهرب من هواه

ما أعرفش مالي ..

حاسه إني طايره بين أيديه وروحي غايبه 

حضناه رموشي بنظره تايهه  وكلي دايبه  

يا ترا يغزل حنان يكسيني تاني ولا هلاقي قلبه ناسي وكان أناني

محتاجه أحس بهمسته

وأمانه ليا ..

ويدفي ليله وحديتي 

ويحس بيا ..

جوايا عايشه في 

وهم  ليل 

بحروف غيابه

كل أما أقرب إنصدم

يقفل في  بابه   ..

البعد غير شوقه ليه

ولا عاد فاكرنا ..

كل أما أعاتبه تقول عينيه هيروح لغيرنا

كسر بخاطر  قلب شاري

وزاد  ألامه .. 

وما أفتكرش بيعت غالي عشانه  غرامه ..

كاتب  بدايه النهايه

ومش في باله ..

تاجر سعاده في الألم 

بان  ليل  عذابه ..  

ومسيره  يندم يوم فراقنا ويبكي حاله

وأنا مش هسامح  

صبرنا لسنين عشانه 

بياع وتاجر في الهوى

دابت حباله ..

بقلم .. صبري رسلان