طير الروح
،،،،،،،،،،،،،،،،،،،،
كل ما سمعتي طير بيغني
مجروح وب صوتو الف عني
بيكون طير الروح صوبك راح
تا يخبرك يا غايبه عني
من يوم غبتي غابت الافراح
وعايش على الاهات والانّه
مثل ال وقع من جيبتو المفتاح
وما عاد فيه يفوت عالجنه
ياريت ما تعودت عالتفاح
ولا كنت هيك قعدت مستني
وان كان بيهمك بعد ارتاح
وارجع مثل ما دوم متمني
ردي ع طير الروح كل ما ناح
بلكي ان عِرف انّوا الهوا منصان
بقضي ال بقي من العمر متهني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق