بقايا الكرم
،،،،،،،،،،،،،،،،،،،،،،،،،،
حقك تخبي عليي وجهك الخجلان
شفتك يا حلوه معو متمسكه بأيدو
والخوف يرسم خجل ع خدك الشعلان
وسمعت قلبك بدي يعزف ب تنهيدو
كنتي بقلبك اليي وكان العمر حليان
واليوم صرتي الو ومشعشعه ب عيدو
ومعروف عني انا بحكم القدر رضيان
والقصر لو ينهدم عم برجع ب شيدو
تهني بعمرك بقربو واتركي الاحزان
انتي اخترتي وقلتي الفقر ما بريدو
وباقي ع حالي بهنا عم انضم القصدان
وموال يلي كتبتو مش صعب عيدو
وانكان خلص الذهب من خزنةالعشقان
مش رح تلاقي حدا يلوحلك ب ايدو
وتشرين يمرق علينا ب أخر البستان
يلملم بقايا العنب تا يشرب نبيذو
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق