اما كان علي قد حاله
كان حنين وحبه صادق
عاش معاها اجمل سنين
وهي كانت فوق خياله
يقسمو اللقمه مابينهم
والفرحه ماليه عنيهم
والزعل بينهم كان استحاله
اي حد شافهم صدفه
قال عليهم دوول توائم
ومرت الايام بسرعه
والقلوب مياله واقعه
والجيوب عبت ومالت
وهو راح في سكه تانيه
وهي في البيت خدمه عاليه
هو بعده زاد ..........وزاد
هي مشغوله مع الولاد
زي اي وحده .....اصيله
بيتها هو كل حاجه
واما زاد بعده حست بغيره
هو طنش فاكرها خام
هي فتحت معاه الكلام
هو مدهاش اي اهتمام
قال هوجه وتعدى بسلام
وكل همه يشوف مزاجه
اي وحده حلوه وجميله
كان بيقضي معاها ليله
وهي لاجل البيت والعيله
شالت جواها.......... الآلام
يوم ورا يوم مال بيه الحال
وكل اللي كانو في عنيه جمال
غابو عنو ولا افتكرووه بسؤال
عقلو غاب فقد وعيه
غاب كتير الصدمه صعبه
واما فاق كان جنبه العيال
وست بيت اصيله وواعيه
وقفت معاه بكل قوه
شد حيله وفاق لنفسه
ندم بكي لانه خان
حب يرجع لايام زمان
قرب منها وهو ندمان
بس ياخساره فات الاوان
كل اللي جواها بواقي انسان
!!!!!!!! Sameh Sameh
ليست هناك تعليقات:
إرسال تعليق