تناقض
شعر محمد عليوي
فياض عمران المحمدي
شرق او غرب ليل او صبح
تبهج مثل قوس القزح
كل التناقض بيك ما تحوج مدح
يل طعم حرفي بيك غزر والملح
ياشمس ليل التجدح اخدوك جدح
طاب الحوار الممتع او طال الشرح
يل بيده مفتاح الخفاياوالفتح بيبان عيت تنفتح
يل كشف اسراي الدفينه او عينه ذبحتني ذبح
يل فجر ادموعي العصيةاللي بدت ترشح رشح
مكسور كلبك ليش كوم اردح ردح
خل الخلك يكلون مجنون او وكح
ترجع حضارتنه الابد ماتنمسح
يل فجرت طاقات ما ظن تنكبح
كثرت خسا راتي او بعد ماظل ربح
كل الخراب الصار باسمك ينصلح
شد حيلك امشي اوياي خل نجمح جمح
او خل سرنه يبقه اببير بالك ينفضح
خل نجمع الاحلام ممنوع الطرح
واتعود الغفران من ازعل والح
ياسمح بالتوصيف خل كلبك سمح
يا غصن بان اوجسم اعدل من رمح
جمعربع للضيج واتعب لاتفح
واذخر دمع للعطش من مايم يشح
او خلي العبير البيك ينفحني نفح
وامطر على اخدودي دمع
لمن سموم الكيض يلفحني لفح
صير انته بلسم طيب من يوجع جرح
❤️
ليست هناك تعليقات:
إرسال تعليق