حلم عاشق
،،،،،،،،،،،،،،،،،،،
ليكي ملاك النعس مَ اسرعو ليكي
من قبل مني طبع بوسه ع عينكي
وفل وتركلي السهر والفكر هالحيران
ومثل الفراشه عيوني حايمه عليكي
وقلبي كأنو قمر مع هالعتم سهران
بيبعث النهده حَرَ س تبرم حواليكي
بلكي ع غفله صحي هالجفن هالنعسان
وهيك قضيت الوقت يا حلوتي هيكِ
والفجر شفتو صِحي ع جفلة الغزلان
والورد يبعث عطر من روض خديكي
وصحيت من هالحلم متنقوز وقلقان
وشو فرحت لما عخدي لقيت ايدكي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق