دمعة وفا ١٤ عام على رحيل الشاعر محمود درويش
دمعة وفا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ذبلت غصون الشّعِر وتيتم الياسمين
والضاد راسا انحنا في ساعة غيابو
ولبست وشاح العتم ام الوفا فلسطين
والقلب يعزف صبا في لحن شبَّابُو
شمعات سبعه ضوا وخياتهن ستين
وبكير حتى القبر يتبسم ترابو
وشو صار حتى اجا ع حينا تشرين
وطفّى شموع العمر دمعات ع بابو
درويش اسمو علم ابيض متل صنين
خّلد حروف اللغه صفحات بكتابو
وسنين لولا مرق عالكون بعد سنين
بيضل مثلن خفق في قلب احبابو
مش رح يغيب القمر ما دام في حلوين
بُكرا بيعود القلم ويدق ابوابو
الما عرف درب الهرب ما بينحنيلو جبين
بيرجع لصوب الوطن وبيكمِّل حسابو
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق