" أنت بهجتي "
بقلم : عزيز الفاطمي
عَرُوسَه بأسوارها مَحْرُوسَة
وريدة ف عَرْصَة مَغْروسَة
حَمْرَاء مْبَهْجَة بَهَارَة
أصَالَة و نَخْوَة بِجَدَارَة
عاصِمَة ف تَارِيخ مَدْرُوسَة
ف العَالَمِيَّة تُحْفَة نَفِيسَة
بِالطنجية و النكتة مَشْهُورَةٌ
الكتبية و المنارة بِهَا مسرارة
بها سَاحَة الْفَنّ و الْفُرْجَة
ثرات شفهي مْبَرمْجَة
هَا الرَّقْص هَا الْقِصَّة الْمَنْسُوجَة
العيطة و الْقَعْدَة و الطَعْرِيجة
اللَّه عَلَى الأجْوَاء السَّاحِرَة
مُرَّاكُش بزوارها مَسْرُورَة
كورونا يَا كورونا الْمَلْعُونَة
دخلتنا ف حَلْقَة مَجْنُونَة
لحلايقي ف عِيشَة مَقْهُورَةٌ
البهجة بِلَا سِيَاحَة رُوضَة مَهْجُورَةٌ
لَا بِيعْ لَا شْرَا لاَ حَرَكَة رَائِجَة
رْددُوا مْعَيٓ اللِّطْفِية و المُنْفَرِجة
ليست هناك تعليقات:
إرسال تعليق