*****(( إسمِك فَلَسطين ))*****
شُعلة أضأتي الشَرق إسمِك فَلَسطين
فيكي الاسود اللابدة جوى العَرين
نِحنا عَرَفناها من العَهد القَديم
لَما مِشي عَترابها سيد المُرسَلين
فيها الكَرامة والبُطولة في الصَميم
في قَلبها النابِض على مَر السِنين
الشَعب فيها عَالسِراط المُستقيم
والحاكِم المَجنون بظَله سَجين
ياما عَساكِر غَزوا من الشَرق اللئيم
والغَرب يَلي ارسَل الجَيش اللعين
ذاقوا المَرارة ترَكَعوا وشافوا الجَحيم
في القُدس في حِطين بالنَصر المُبين
ولادَك وَطَنا حاربوا الخَندَق سَليم
سَبعَة شهور الحَرب والظالِم حَزين
بعض العَرب بِتفَرجوا وأكبَر زَعيم
عا مَقتَل الاطفال والمَوقِف حَزين
يا شَجرة السَريس يا حُبي الحَميم
والسِنديانة تقَبِل بحَبات تين
وخَروبة فَوق التَل بِتشِم النَسيم
والنَرجِس يعانِق زهور الياسَمين
هاي بلادي اللي أنا فيها مُقيم
فلَسطين دوما حاضنة للطيبين
تُراب الوَطَن غالي والرَب الكَريم
نسَيجَك بِرواحنا بعَطف وحَنين
..بقلمي..ياسين مصطفى بكري......
ليست هناك تعليقات:
إرسال تعليق