والإسم دنيا بقلم الشاعر أحمد عوض الله أحمد

... والإسم دنيا ....
دي كاس وداير
على الخلايق
من عصر حوا لنهاية الخلق
ومره ماشيه
ومره واقفه
مهما حاولت فيها تزق
ومره حلوه
ميه ف قله
ومره مره جوه الحلق
ومره بيضا
ومره سوده بلون الحرق
والإسم دنيا
وهيه دنيا
ولو كانت عروسه وبتتزف
ياللي حاضنها
وشايل خاطرها
اسمعها مني كلمه بحق
دي مهما ضحكت
ف لحظه تقلب
وتبأه عايزه مليون كف
دي ف الأصل حيه
و حواليك ودايره
عليك وماشيه وتتلف
      ...........
أحمد عوض الله أحمد