شعر محمد عليوي
فيّاض عمران المحمدي
(ارتجالا )
اكتم اكتم
لا اتصرّح بالحزن
لا اتشمّت بيك مغرض
او بالسّوالف تمتحن
اختلي ابظلمه او يه روحك
او سجّب ادموعك مزن
صير غيث ابكل عجاف
ابعبرة خل تهتن هتن
خل تطول احبال صبرك
واخفي صوتك من تون
اشما ثكب تنور كلبك
واسحن ابروحك سحن
اجمت والجم شعورك
يم اخيّك والابن
ما ايحس الاّ عارف
امجرّب او كلّش فطن
لحمك ايلوكنه ربعك
من كبل مايتدفن
الجّرح بالسّجيت يبره
مو مثل جرح اللّسن
اني جرّبت او نصحتك
لا تشك بيّه اوتظن
اعيونك اتدزلي رسايل
او صرت بامرك ممتحن
لازم ابيوم اتّصحّه
والمصايب ينكضن
ناس دنياهم فضيّه
او ناس دنياهم سجن
او من تون سمّعني ونتك
وانته توجع من تون
صيح يحبّيب ييابه
اترنّم ابطور الحزن
ليست هناك تعليقات:
إرسال تعليق